??????????????

Khuli khuli si ye ankhen
Thak gayi hai.
Ankhen band kerna chahti hu
Har chaah jivan ki jaise mar gayi hai
Fir bhi har lamhe ma sawarna chahti hu.

Par darti hu aaj har sapne se
Sapne har baar toot te jo hai
Lagte hai jo parayo me apne se
Unse jude(connected) har haath chhoot-te kyo hai?

Ek baat se mulakaat ka safar
Ek raah se judi na jane kitni dagar
Har dagar me basi ek pyas
Har pyas me bandhi kal ki ek aas
Yeh aas antaheen hai
Har sapne isi me vileen hai

Ek baar nahi har baar
Dhwast hoti hai isme ashhaye
Judte hai jab bhi dil ke taar
Paraast hoti hai abhilashaye

Fir bhi ye dil sapne dekhta hai
Jaanta hai kal ye phir tootenge,
Hazaaro beejo ko ye aksar ropta hai
Na jane inme ankur kab phootenge…..