EEshwar!!!!!!!!!!! .....................?

Kuch se adhik tak
Adhik se atyadhik tak
Apni icchhao ki poorti tak
Jeevan ki antim sfoorti tak

Har kasht ke prativedan me
Har sukh ke nivedan me
Achetan man ki chetna me
Samay me vichipt har vedna me

Ek prashn ke swaroop me
Jeevan ki har dhoop me
Asthir har gyan me
Pushp ki anu-nay muskaan me

Upasthit hai wah har roop me
Adharo ki muskaan se
Dil ki har hook me

Khushiyo me jeevit hoker
Vishamtao me mrit hoker
Astitva per aayi har thes ko sehkar
Samay ke bahaav me niyamit behker

Wah aaj bhi har dukh ka sahara hai
Ek wahi to hai jise
Vipreet parishitiyo me dil ne pukara hai

Dharm me batker bhi
Jo har dil me rehta hai
Yahi to wah maseeha hai
Jo vishwaas banker aaj bhi
Sabke rag me behta hai